Aparmanta ablumar jisu ahamlingan kuddubing boi boi alimtabin Padursing Society saring.Do U ” Kituangan ado’ng sanisinan deti.Iten asan gamlenden anin asurda suyeman batti purban kan a gorjang amandranji kulmapuran bara lingan dekuleji asan bongtelan kimmedan orde purban ayama lingan itente itente kunuban kublenji.Do derga derga ayaman bandanetin atiki kan agorjang 1955 salon ayamlingan Mr.Philip Mandal kristu atongran absuijetin karalogi Daggusing Ranukku lingan Bangsa anoblingan ablingetin kun ayam linga Sri. Buda Gamango yan yenle tide kristu ado’ng ablumarhen gamle jaitin bar akid tine Kan agorjang lingan Sri.Buda Gamango batti 1963 March 23 tariko anang among tine Parursing gamle dakuli bar tiki Padurding Ranukku do Burding Palli anording batti ganutulan deli.
Do kan Padursing Ranukku mandra adanisam daku 105 school sijanji 40 do kituanga asuyem batti kan agorjang lina dergaa derga passijani ganalamlinga manarongan deli.Bar akid tine Sorakar anording batti school si’ngan agutulba gamle 2009 saring susunan deli do tine school nami ta sikoija hati do
No comments:
Post a Comment